கொள்ளிடம் பழைய பாலத்தின் தூண்கள் இடிந்து விழுந்தன - வீடியோ

திருச்சி:

முக்கொம்பு அணைக்கு கூடுதல் தண்ணீர் வரத்தால் பாதுகாப்பு கருதி காவிரி மற்றும் கொள்ளிடம் ஆறுகளில் தண்ணீர் பிரித்து அனுப்பப்படுகிறது.

இதனால் அந்த ஆற்றின் குறுக்கே ஆங்கிலேயர் காலத்தில் கடந்த 1928-ம் ஆண்டு கட்டப்பட்ட மிகவும் பழமையான இரும்பு பாலம் சேதம் அடைந்தது. அந்த பாலத்தை தாங்கி நிற்கும் தூண்களில் கடந்த புதன்கிழமை இரவு திடீரென விரிசல் ஏற்பட்டது.

இதனால், எந்த நேரத்திலும் இடிந்துவிழும் நிலையில் கொள்ளிடம் பழைய பாலம் இருந்ததால் முன்னெச்சரிக்கையாக பொதுப்பணித்துறை அதிகாரிகள்  பாலத்தில் போக்குவரத்தைத் தடை செய்தனர்.

அடுத்த சில தினங்களில் இந்த விரிசல் அதிகமாகி இரண்டாக பாலம் உடைந்தது. நேற்று நள்ளிரவு பாலத்தின் 18-வது மற்றும் 20-வது தூண்கள் இடிந்து தண்ணீரில் மூழ்கியது. எனினும், நள்ளிரவில் தூண்கள் இடிந்து விழுந்ததால் அசம்பாவிதம் ஏதும் ஏற்படவில்லை

இந்நிலையில், பாலத்தின் தூண்கள் இடிந்து விழும் பிரத்யேக காட்சிகள் தற்போது வெளியாகியுள்ளது.