200-வது ஒருநாள் போட்டியில் மலிங்கா: 300 விக்கெட்டுக்கள் வீழ்த்தி சாதிப்பாரா?

இலங்கை அணியின் முன்னணி வேகப்பந்து வீச்சாளர் லசித் மலிங்கா. யார்க்கர் மன்னன் என்று அழைக்கப்படும் மலிங்காவிற்கு நாளை தம்புல்லாவில் நடைபெறும் இந்தியா - இலங்கை அணிகளுக்கு இடையிலான ஆட்டம் 200-வது போட்டியாக இருக்கும்.

இன்னும் 9 நாட்களில் 34 வயதைத் தாண்டும் மலிங்கா 199 போட்டியில் 298 விக்கெட்டுக்கள் வீழ்த்தியுள்ளார். நாளைய தனது 200-வது போட்டியில் 300 விக்கெட்டுக்கள் என்ற இலக்கை எட்டி சாதனைப் படைக்க இருக்கிறார்.



34 வயதை தாண்ட இருக்கும் மலிங்கா இலங்கை அணிக்காக 30 டெஸ்ட் போட்டிகளில் விளையாடி 101 விக்கெட்டும், 199 ஒருநாள் போட்டிகளில் விளையாடி 298 விக்கெட்டும், 67 டி20 கிரிக்கெட் போட்டியில் விளையாடி 89 விக்கெட்டும் வீழ்த்தியுள்ளார்.