என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
இந்தியா (National)
பால் டேங்கர் லாரிகள் மூலம் விரைவில் குடிநீர் விநியோகம்- டி.கே.சிவகுமார் தகவல்
- தண்ணீர் என்பது யாருடைய சொத்தும் இல்லை.
- கர்நாடகாவில் பால் உற்பத்தி குறைந்துள்ளது.
பெங்களூர்:
கர்நாடக மாநிலம் பெங்களூர் பகுதியில் நிலவி வரும் குடிநீர் தட்டுப்பாட்டை சரிசெய்வது தொடர்பாக துணை முதல் மந்திரி டி.கே.சிவகுமார் தலைமையில் ஆலோசனைக் கூட்டம் நடந்தது.
இதில் பெங்களூரில் நிலவும் குடிநீர் பிரச்சினையை எப்படி சமாளிப்பது என்று விவாதிக்கப்பட்டது. பின்னர் டி.கே.சிவகுமார் நிருபர்களிடம் கூறியதாவது:-
பெங்களூர் மாநகராட்சி பகுதியில் 14 ஆயிரத்து 781 ஆழ்துளை கிணறுகள் உள்ளது. அவற்றில் 6,997 ஆழ்துளை கிணறுகள் வறண்டு விட்டன. தண்ணீர் என்பது யாருடைய சொத்தும் இல்லை. இது அரசின் சொத்து. எனவே பாசன மற்றும் தனியார் போர்வெல்களில் தண்ணீர் தேவைப்பட்டால் எடுத்துக் கொள்வோம். இதற்காக போர்வெல் உரிமையாளர்களுக்கு ஓரளவு இழப்பீடு வழங்கப்படும். மேலும் நகரில் புதியதாக ஆழ்துளை கிணறுகளும் தோண்டப்படும்.
காவிரி 5-ம் கட்ட திட்டம் நிறைவடையும் தருவாயில் உள்ளது. மே மாதம் இறுதிக்குள் பெங்களூர் சுற்றுப் பகுதிகளில் உள்ள 110 கிராமங்களுக்கு காவிரி குடிநீர் வழங்கப்படும். 2 கிலோமீட்டர் தூரத்திற்கு பைப் லைன் அமைப்பதில் சிறிய பிரச்சினை உள்ளது. அந்த இடத்தை பார்வையிட்டு பிரச்சினைகளை சரிசெய்து பணிகளை விரைந்து முடிக்க நடவடிக்கை எடுக்கப்படும்.
தனியார் தண்ணீர் டேங்கர் லாரி உரிமையாளர்கள் தங்கள் வாகனங்களை வியாழக்கிழமைக்குள் பதிவு செய்ய வேண்டும். இல்லையென்றால் அதிகாரிகள் பதிவு செய்யாத தண்ணீர் டேங்கர் லாரிகளை பறிமுதல் செய்வார்கள்.
தற்போது கர்நாடகாவில் பால் உற்பத்தி குறைந்துள்ளது. மேலும் சில பால் டேங்கர்கள் பயன்படுத்தப்படாமல் கிடப்பதாக தெரிய வந்துள்ளது. எனவே அவற்றை சுத்தம் செய்து பெங்களூரு நகருக்கு குடிநீர் வினியோகம் செய்ய பயன்படுத்துவோம்.
இவ்வாறு அவர் கூறினார்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்