பிஹூ நடனக்குழுவினர் சென்ற வாகனம் கவிழ்ந்தது- 5 பேர் பலி

கவுகாத்தி:

அசாம் மாநிலம் பிஸ்வநாத் மாவட்டத்தில் பிஹூ நடனக்குழுவினர் சென்ற வாகனம் விபத்துக்குள்ளானது. நடன  நிகழ்ச்சி முடிந்து நேற்று இரவு ஊர் திரும்பியபோது கோபூர் அருகே டிரைவரின் கட்டுப்பாட்டை இழந்து வாகனம் கவிழ்ந்தது. இதில், 5 பேர் உயிரிழந்தனர். 5 பேர் காயமடைந்தனர். 

விபத்து தொடர்பாக போலீசார் விசாரணை மேற்கொண்டுள்ளனர். விபத்து ஏற்பட்டதையத்து டிரைவர் அங்கிருந்து தப்பிச் சென்றுவிட்டார். அவரை போலீசார்  தேடி வருகின்றனர்.

விபத்தில் இறந்தவர்களின் குடும்பங்களுக்கு பிரதமர் மோடி, அசாம் முதல்வர் ஹிமந்தா பிஸ்வா சர்மா ஆகியோர் இரங்கல் தெரிவித்துள்ளனர்.