என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
மாநில அரசுக்கு எதிராக பேரணி- கொல்கத்தாவில் போலீசாருடன் பாஜகவினர் மோதல்
Byமாலை மலர்8 Nov 2021 10:18 AM GMT (Updated: 8 Nov 2021 12:24 PM GMT)
மேற்கு வங்காளத்தில் வாட் வரியை குறைக்க வலியுறுத்தி பாஜக சார்பில் நடத்தப்பட்ட பேரணியை போலீசார் தடுத்ததால் மோதல் ஏற்பட்டது.
கொல்கத்தா:
எரிபொருள் விலை உயர்வுக்கு எதிராக எதிர்க்கட்சிகள் குரல் எழுப்பி வரும் நிலையில், மத்திய அரசு தீபாவளியையொட்டி பெட்ரோல், டீசல் மீதான கலால் வரியை குறைத்தது. இதேபோல் மாநில அரசுகளும் வாட் வரியை குறைக்கும்படி கேட்டுக்கொண்டது. அதன்படி பல்வேறு மாநிலங்கள் வாட் வரியை குறைத்ததால் பெட்ரோல், டீசல் விலை குறைந்தது. சில மாநிலங்கள் வரியை குறைக்கவில்லை.
இந்நிலையில், திரிணாமுல் காங்கிரஸ் ஆளும் மேற்கு வங்காளத்தில் வாட் வரியை குறைக்க வலியுறுத்தி பாஜக சார்பில் இன்று பேரணி நடத்தப்படும் என அறிவிக்கப்பட்டது. மத்திய அவென்யூவில் உள்ள பாஜக அலுவலகத்தில் இருந்து எஸ்பிளனேடு மெட்ரோ ரெயில் நிலையம் வரை பேரணி நடத்த திட்டமிடப்பட்டது.
இதையொட்டி போலீஸ் பாதுகாப்பு பலப்படுத்தப்பட்டது. பேரணி புறப்பட்ட தயாரானபோது பாஜக அலுவலகம் முன்பு பேரிகார்டுகளை அமைத்து போலீசார் பேரணியை தடுத்து நிறுத்தினர். இதனால் போலீசாருடன் பாஜகவினர் கடும் வாக்குவாதத்தில் ஈடுபட்டனர். பின்னர் இரு தரப்பினருக்கும் இடையே மோதல் உருவானது. மோதலில் ஈடுபட்ட பாஜகவினரை போலீசார் தடுத்து நிறுத்தி போலீஸ் வேனில் ஏற்றிச் சென்றனர். இந்த சம்பவத்தால் அங்கு பதற்றம் ஏற்பட்டது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X