காங்கிரஸ் கட்சியை அழிக்க நாங்கள் ஏதும் செய்ய வேண்டியதில்லை: சிவராஜ் சிங் சவுகான்

பஞ்சாப் மாநில முதல்வராக இருந்து வந்த அமரிந்தர் சிங், சித்துவுடன் ஏற்பட்ட மோதல் காரணமாக தனது பதிவியை ராஜினாமா செய்தார். முதல்வர் பதவியை அமரிந்தர் சிங் ராஜினாமா செய்த நிலையில், சித்து பஞ்சாப் மாநில காங்கிரஸ் தலைவர் பதவியை ராஜினாமா செய்துவிட்டார்.

இந்த நிலையில் காங்கிரஸ் கட்சியில் நிலவி வரும் உட்கட்சி பூசலை மத்திய பிரதேச மாநில முதலமைச்சர் சிவராஜ் சிங் சவுகான் கிண்டல் செய்துள்ளார்.

காங்கிரஸ் கட்சி குறித்து அவர் கூறுகையில் ‘‘சித்துவால் பஞ்சாப் மாநில முதல்வர் பதவியில் இருந்து அமரிந்தர் சிங் நீக்கப்பட்டார். தற்போது சித்து கட்சியில் இருந்து வெளியேறிவிட்டார். அந்த கட்சியை அழிக்க நாங்கள் ஏதும் செய்ய வேண்டியதில்லை. ராகுல் காந்தி அங்கே உள்ளார். அவர் காங்கிரஸ் கட்சியை மூழ்கடித்துக் கொண்டிருக்கிறார்’’ என்றார்.