ஆந்திர பிரதேச முதல் மந்திரிக்கு கோவில் கட்டிய எம்.எல்.ஏ.

திருப்பதி:

ஆந்திர பிரதேச மாநிலத்தின் முதல் மந்திரியான ஜெகன்மோகன் ரெட்டிக்கு காளஹஸ்தியில் உள்ள ஜெகண்ணா காலனி அருகே ரூ.2 கோடி மதிப்பில் கோவில், நவரத்னா திட்ட அலுவலகம் ஆகியவற்றை காளஹஸ்தி எம்.எல்.ஏ. மதுசூதன் ரெட்டி கட்டியுள்ளாா்.

ஆந்திர மாநில வரலாற்றில் முதல் முறையாக முதல் மந்திரி ஒருவருக்கு கோவில் கட்டப்பட்டுள்ளது. தொகுதி மக்கள் தங்களின் பிரச்சினைகள் குறித்த மனுக்களை அளிக்க இங்கு ஒரு பெட்டி அமைக்கப்பட்டுள்ளது. கோவிலில் இருக்கும் பணியாளா்கள் மக்கள் பிரச்சினைகளுக்கு தீா்வு கிடைக்க வழிசெய்ய உள்ளனா்.

இந்த கோவிலில் தங்கம், வெள்ளியில் ஜெகன்மோகன் ரெட்டி, நவரத்னா திட்டம் குறித்த படங்கள் ஏற்படுத்தப்பட உள்ளன. மேலும், ஆந்திர முதல் மந்திரியின் குடும்ப உறுப்பினா்களின் புகைப்படங்களும் செப்பு இலைகளின் மேல் ஏற்படுத்தப்பட உள்ளன.