பெங்களூருவில் பெட்ரோல் விலை ரூ.100-ஐ நெருங்கியது

பெங்களூரு :

நாட்டில் பெட்ரோல்-டீசல் விலை தொடர்ந்து உயர்ந்து வருகிறது. மராட்டியம் உள்பட பல்வேறு மாநிலங்களில் பெட்ரோல் விலை ரூ.100-ஐ தாண்டி விட்டது.

இந்த நிலையில் அந்த வரிசையில் கர்நாடகமும் ஓரிரு நாளில் சேர உள்ளது. பெங்களூருவில் நேற்று பெட்ரோல் விலை ரூ.98.84 ஆக இருந்தது. இது இன்று (வியாழக்கிழமை) அல்லது நாளை (வெள்ளிக்கிழமை) 100 ரூபாயை தாண்டிவிடும் என்று எதிர்பார்க்கப்படுகிறது.

பெட்ரோல்-டீசல் விலை தொடர்ந்து உயர்ந்து வருவதால், வாகன ஓட்டிகள் கடுமையாக பாதிக்கப்பட்டுள்ளனர். கொரோனா பரவல் காரணமாக வருமானங்களை இழந்துள்ள மக்கள், பெட்ரோலிய பொருட்களின் விலை உயர்வால் அவர்கள் தங்களின் வருவாயில் குறிப்பிடத்தக்க அளவில் எரிபொருளுக்கு செலவு செய்ய வேண்டிய நிலைக்கு தள்ளப்பட்டுள்ளனர்.