என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
அழைத்திருந்தால் கலந்திருப்பேன்: பிரதமர் மோடியின் ஆலோசனை கூட்டம் குறித்து மம்தா கருத்து
Byமாலை மலர்23 April 2021 3:30 PM GMT (Updated: 23 April 2021 3:30 PM GMT)
பிரதமர் மோடி தலைமையிலான கொரோனா தொற்று குறித்த ஆலோசனை கூட்டத்தில் மம்தா பானர்ஜி கலந்து கொள்ளவில்லை என்ற விமர்சனம் எழுந்துள்ளது.
இந்தியாவில் 2-வது அலை கொரோனா வைரஸ் தொற்று மிகத்தீவிரமான பரவி வரும் நிலையில், அதிகமாக பாதிக்கப்பட்ட மாநில முதல்வர்களுடன் இன்று பிரதமர் மோடி ஆலோசனை நடத்தினார். இந்த ஆலோசனைக் கூட்டத்தில் மகாராஷ்டிரா மாநில முதல்வர் உத்தவ் தாக்கரே, டெல்லி முதல்வர் அரவிந்த் கெஜ்ரிவால் உள்ளிட்ட பல மாநில முதல்வர்கள் கலந்து கொண்டனர்.
ஆனால் மேற்கு வங்காள முதல்வர் மம்தா பானர்ஜி கலந்து கொள்ளவில்லை. இதுகுறித்து விமர்சனம் எழுந்துள்ளது இந்த நிலையில் அழைக்கப்பட்டிருந்தால், கலந்து கொண்டிருப்பேன் என மம்தா பானர்ஜி தெரிவித்துள்ளார்.
மேலும், ‘‘மார்ச் 7ம் தேதி, மத்திய சுகாதார அமைச்சர் ஹர்ஷ் வர்தன், கோவிட் வெளியேற உள்ளது என்று கூறியிருந்தார். இதன் பொருள் என்னவென்றால், வரவிருக்கும் நெருக்கடி குறித்து மத்திய அரசிடம் எந்தவிதமான தகவலும் இல்லை. ஆக்ஸிஜனின் பங்கை அதிகரிக்க உலக சுகாதார அமைப்பின் பரிந்துரைகளின் பேரில் அது செயல்படவில்லை.
கொரோனா தடுப்பூசி வழங்கப்படுவதில் மிக மோசமாக பாதிக்கப்பட்ட மாநிலங்களுக்கு எதிராக நாங்கள் எதுவும் சொல்லவில்லை, ஆனால் ஒரு சீரான கொள்கை இருக்க வேண்டும்.
காணொலி ஆலோசனைக் கூட்டத்தில் மோடி, கெஜ்ரிவால்
நீங்கள் (பாஜக தலைவர்கள்) ஹோட்டல்கள், விருந்தினர் மாளிகைகள், சார்ட்டர் விமானங்கள் மற்றும் ஹெலிகாப்டர்களை முன்பதிவு செய்ய லட்சம் ரூபாய் செலவழித்து, வாக்காளர்களுக்கு பணம் கொடுத்து மேற்கு வங்காளத்தை கைப்பற்றவும், இங்கு தேர்தலில் வெற்றி பெற சதித்திட்டம் தீட்டவும் பணத்தை செலவழிக்கும்போது, நீங்கள் ஒவ்வொரு இந்தியரின் ஆரோக்கியத்திற்காக 20,000 கோடி ரூபாய் செலவிட முடியாதா?’’ என்றார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X