சென்னை:
சட்டசபையில் ஆளுங்கட்சி எம்.எல்.ஏ.க்கள் ஒரு வரிசையிலும், எதிர்க்கட்சி உறுப்பினர்கள் எதிர்க்கட்சி வரிசையிலும் அமர்ந்து இருப்பார்கள். அவர்கள் தனித்தனி வழியாக சட்டசபைக்குள் வருவார்கள். இன்று காலை அமைச்சர் பொன்முடி எதிர்க்கட்சி எம்.எல்.ஏ.க்கள் வரும் வழியாக சட்டசபைக்குள் நுழைந்தார்.
அவர் பழைய நினைப்பில் எதிர்க்கட்சியினர் வரிசையில் அமர முயன்றார். திடீரென சுதாரித்துக்கொண்ட அமைச்சர் பொன்முடி அங்கிருந்து நேராக ஆளுங்கட்சி அமைச்சர்கள், எம்.எல்.ஏ.க்கள் வரிசை பகுதிக்கு சென்று தனது இருக்கையில் அமர்ந்தார்.
இதை பார்த்ததும் உறுப்பினர்கள் மத்தியில் சிரிப்பலை எழுந்தது.
