கரூர்:
தமிழகத்தில் சீருடை பணியாளர் ரே்வு வாரிம் மூலம் இரண்டாம் நிலை காவலர்கள் உள்ளிட்டவை என 3552 பணியிடங்கள் நிரப்பப்பட உள்ளன. இதில் 5 சதவிகித இடங்கள் முன்னாள் படைவீரர்களுக்கு ஒதுக்கப்பட்டுள்ளன. குறைந்தபட்ச கல்வி தகுதி 10-ம் வகுப்பு தேர்ச்சியுடன், கடந்த 1-ந் தேதி அன்று 47 வயதுக்கு மேற்படாதவராக இருத்தல் வேண்டும். படை பணியிலிருந்து விடுவிக்கப்பட்ட தேதியிலிருந்து 3 ஆண்டுகள் நிறைவு செய்யாத முன்னாள் படை வீரர்கள், இப்பணிக்கு நாளைக்குள் விண்ணப்பிக்கலாம். விண்ணப்பங்களை இணையதள முகவரியில் விண்ணப்பிக்க வேண்டும். கரூர் மாவட்டத்தில் தகுதி படைத்த முன்னாள் படைவீரர்கள் இப்பணியிடங்களுக்கு விண்ணப்பித்து, அதன் விவரத்தை ஆகஸ்ட் 20-ந் தேதிக்குள் திருச்சி மாவட்ட முன்னாள் படைவீரர் நலத் துணை இயக்குநர் அலுவலகத்துக்கு தெரியபடுத்த வேண்டும் என கலெக்டர் பிரபு சங்கர் தெரிவித்துள்ளார்.
