திருத்துறைப்பூண்டி:
திருவாரூர் மாவட்ட இளையோர் வில்வித்தை சங்க ஆண்டு செயற்குழு கூட்டம் திருத்துறைப்பூண்டியில் நடைபெற்றது. கவுரவத் தலைவர் மணிமாறன், தலைவர் தமிழ்வாணன், செயலாளர் விஜயகுமார், கவுரவ செயலாளர் ராஜ்நாராயணன், பொருளாளர் ரமேஷ்குமார் ஆகியோர் தலைமை தாங்கினர்.
செயற்குழு உறுப்பினர் இளையராஜா பார்த்திபன், மைதிலி, கென்னடிதாசன், சுதிராஜா ஆகியோர் முன்னிலை வகித்தனர்.
இந்தக் கூட்டத்தில் வில்வித்தை பயிற்சியை அனைத்து உடற்கல்வி ஆசிரியர்களுக்கு பயிற்சி வகுப்பு மூலம் கற்று கொடுத்தல், மாணவ- மாணவிகளுக்கு வில்வித்தை பயிற்சி மற்றும் விழிப்புணர்வை ஏற்படுத்துதல், சங்கத்தின் மூலம் வில்வித்தை பயிற்சி வகுப்புக்கு தேவையான பொருட்களை நன்கொடையாளர் மூலம் பெறுதல், டிடிபி ஸ்போர்ட்ஸ் அகடமி மைதானத்தை தலைமை மாவட்ட பயிற்சி மைதானமாக அறிவித்தல், புதிய உறுப்பினர் மற்றும் பொறுப்பாளர்களை நியமித்தல், மாநில மற்றும் மாவட்ட அளவிலான வில்வித்தை போட்டிகளை திருவாரூர் மாவட்டத்தில் நடத்துதல் போன்ற தீர்மானங்கள் நிறைவேற்றப்பட்டன.
இதில் செயற்குழு உறுப்பினர்கள், உறுப்பினர்கள் உள்ளிட்ட பலர் கலந்து கொண்டனர்.
