ஊரப்பாக்கம் அடுத்தகாரணைப் புதுச்சேரி கோகுலம் காலனி விரிவு பகுதி, ராஜி தெருவை சேர்ந்தவர் ராஜேந்திரன். இவரது மகன் மணிகண்டன் அ.தி.மு.க. மாவட்ட மாணவரணி துணை தலைவராக உள்ளார். நேற்று மாலை ராஜேந்திரன் வீட்டில் இருந்து காரை எடுத்தார். அப்போது மோட்டார் சைக்கிளில் வந்த 2 வாலிபர்கள் திடீரென அவரிடம் தகராறில் ஈடுபட்டு அரிவாளால் வெட்டி விட்டு தப்பி சென்று விட்டனர். இதில் பலத்த காயம் அடைந்த ராஜேந்திரன் கூடுவாஞ்சேரியில் உள்ள தனியார் ஆஸ்பத்திரியில் அனுமதிக்கப்பட்டு உள்ளார். இது குறித்து கூடுவாஞ்சேரி போலீசார் விசாரணை நடத்தி வருகிறார்கள்.
