பல்லடம் அருகே தொழில் நஷ்டத்தால் பனியன் நிறுவன உரிமையாளர் தற்கொலை

பல்லடம்:

பல்லடம் அருகே உள்ள குன்னாங்கல்பாளையம் பகுதியை சேர்ந்தவர் குமாரரத்தினதுரைசாமி (வயது52). இவர் அந்தப்பகுதியில் பனியன் நிறுவனம் நடத்தி வந்தார். இந்நிலையில் கடந்த 2 வருடங்களாக பனியன் தொழிலில் நஷ்டம் ஏற்பட்டுள்ளது. 

இதனால் சரிவர தொழில் நடத்த முடியாமல் அவதிப்பட்டு வந்தார். நேற்று காலை வீட்டில் உள்ள அவரது அறை திறக்கப்படவில்லை. இதையடுத்து அவரது மனைவி சகுந்தலாமணி நீண்ட நேரம் கதவை தட்டியும் கதவு திறக்காததால் அருகே உள்ள ஜன்னல் வழியாக பார்த்தபோது மின்விசிறி மாட்டும் கம்பியில் குமாரரத்தின துரைசாமி, சேலையால் தூக்குபோட்ட நிலையில் தொங்கிக் கொண்டிருந்தார். 

இதையடுத்து பல்லடம் போலீசாருக்கு தகவல் அளிக்கப்பட்டது. சம்பவ இடம் சென்ற போலீசார் உடலை கைப்பற்றி பல்லடம் அரசு மருத்துவமனைக்கு அனுப்பி வைத்தனர். மேலும் தற்கொலைக்கான காரணம் குறித்து விசாரணை நடத்தி வருகின்றனர்.