திருப்பூர்
திருப்பூர் ஆவின் ஒன்றியத்தில் உற்பத்தியாகும் பால் வெளி மாவட்டங்களுக்கு விற்பனைக்கு அனுப்பப்படுகிறது.மாவட்டத்தின் தேவைகள் குறைவாக இருப்பதால் உபரி பால் அடுத்த மாவட்டங்களுக்கு அனுப்பப்படுகிறது.ஆவின் பாலின் விற்பனை விலையை தமிழக அரசு லிட்டருக்கு ரூ.3 குறைத்தது.
கடந்த மே 16-ந்தேதி முதல் விலை குறைப்பு நடவடிக்கை அமலுக்கு வந்தது. அதன்படி நிலைப்படுத்தப்பட்ட பால் லிட்டர் ரூ. 44க்கும், நிறை கொழுப்பு பால் ரூ.48க்கும் விற்பனை செய்யப்படுகிறது.திடீர் விலை குறைப்பு காரணமாக மாவட்டத்தின் பால் விற்பனை 9 சதவீதம் உயர்ந்துள்ளதாக ஆவின் அதிகாரிகள் மகிழ்ச்சி தெரிவித்துள்ளனர்.
கடந்த மே 16-ந்தேதி முதல் இம்மாதம் 16-ந் தேதி வரை 6.56 லட்சம் லிட்டர் பால் ரூ. 2.16 கோடிக்கு விற்பனை செய்யப்பட்டுள்ளது. நிலைப்படுத்தப்பட்ட பால் 250 மி.லி., பாக்கெட்கள் ஒரு லட்சத்து 8 ஆயிரத்து 884 லிட்டரும், 1-2 லிட்டர் பாக்கெட் ஒரு லட்சத்து 25 ஆயிரத்து 317 லிட்டரும் விற்பனையாகியுள்ளது.
இதேபோல் நிறை கொழுப்பு பால் அரை லிட்டர் பாக்கெட் 2 லட்சத்து 35 ஆயிரத்து 984 லிட்டரும் , ஒரு லிட்டர் பாக்கெட் 18 ஆயிரத்து 279 லிட்டர் அளவுக்கும் விற்பனையாகியுள்ளன.
இதுகுறித்து ஆவின் அதிகாரிகள் கூறுகையில்,
திருப்பூர் மாவட்டத்தின்பால் விற்பனை விலை குறைக்கப்பட்ட பிறகு 9 சதவீதம் அளவுக்கு உயர்ந்துள்ளது. நிறை கொழுப்பு பால் பாக்கெட்டுகள் 2 1-2 லட்சம் லிட்டர் அளவுக்கு விற்பனை யாகியுள்ளன. கடந்த ஒரு மாதத்தில் 6.56 லட்சம் லிட்டர் பால் ரூ.2.16 கோடி அளவுக்கு விற்பனை செய்யப்பட்டுள்ளது என்றனர்.
