என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
அமராவதி அணை நீர்மட்டம் ஒரே நாளில் 2அடி உயர்வு
Byமாலை மலர்18 Jun 2021 8:13 AM GMT (Updated: 18 Jun 2021 8:13 AM GMT)
அணை நீர்ப்பிடிப்பு பகுதிகளான மேற்கு தொடர்ச்சி மலைப்பகுதிகளில் தென்மேற்கு பருவமழை தீவிரமடைந்துள்ளது.
உடுமலை:
திருப்பூர் மாவட்டம் உடுமலை அமராவதி அணையின் நீர்ப்பிடிப்பு பகுதிகளான மேற்கு தொடர்ச்சி மலை பகுதிகளில் தற்போது தென்மேற்கு பருவமழை தீவிரமடைந்துள்ளது. மூணாறு, தலையாறு, கொடைக்கானல் மலையின் மேற்குப்பகுதிகள் மற்றும் வால்பாறை கிழக்கு பகுதிகளில் கன மழை பெய்து வருகிறது.
தலையாறு, மறையூர் பகுதிகளில் பெய்து வரும் கன மழையால் பாம்பாற்றில் அதிகளவு நீர்வரத்து காணப்படுகிறது.மேலும் தேனாறு, சின்னாறு மற்றும் காட்டாறுகள் வாயிலாக அமராவதி அணைக்கு நீர் வரத்து அதிகரித்துள்ளது. கடந்த சில மாதங்களில் அதிகப்பட்ச நீர் வரத்து அணைக்கு நிலவி வருவதால், அணை நீர்மட்டம் வேகமாக உயர்ந்து வருகிறது.
தற்போதைய நிலவரப்படி அணை நீர்மட்டம் மொத்த முள்ள 90 அடியில் 77.30 அடியாகவும், நீர் இருப்பு மொத்த கொள்ளளவான 4,047 மில்லியன் கன அடியில் 2,956.09 மில்லியன் கன அடிநீர் இருப்பு உள்ளது. அணைக்கு நீர்வரத்து வினாடிக்கு 2,102 கன அடியாக உள்ளது. பாசனத்திற்காக வினாடிக்கு 250 கன அடிநீர் திறந்துவிடப்பட்டுள்ளது. நேற்றுமுன்தினம், 75.30 அடியாக இருந்த நீர்மட்டம் 2 அடி உயர்ந்து 77.30அடியாக உள்ளது.
இதுபற்றி அதிகாரிகள் கூறுகையில்:
அணை நீர்ப்பிடிப்பு பகுதிகளான மேற்கு தொடர்ச்சி மலைப்பகுதிகளில் தென்மேற்கு பருவமழை தீவிரமடைந்துள்ளது. இதனால் அணைக்கு நீர்வரத்து அதிகரித்து வருகிறது. கடந்த பல ஆண்டுகளுக்கு பின் ஜூன் மாதம் அணை நீர் இருப்பு திருப்தியாக உள்ள நிலையில் பருவமழையும் துவங்கியுள்ளது. தொடர்ந்து மழை பெய்து நீர் வரத்து அதிகரித்தால் விரைவில் நிரம்பும் வாய்ப்புள்ளது என்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X