என் மலர்

    செய்திகள்

    மேட்டூர் அணை
    X
    மேட்டூர் அணை

    மேட்டூர் அணையில் இருந்து காவிரி டெல்டா பாசனத்துக்கு தண்ணீர் திறப்பது நிறுத்தம்

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மேட்டூர் அணையில் இருந்து காவிரி டெல்டா பாசனத்துக்கு தண்ணீர் திறப்பது நிறுத்தப்பட்டது.
    மேட்டூர்:

    மேட்டூர் அணையில் இருந்து காவிரி டெல்டா பாசனத்திற்காக ஒவ்வொரு ஆண்டும் ஜூன் மாதம் 12-ந் தேதி தண்ணீர் திறப்பது வழக்கம். அணையில் நீர் இருப்பை பொறுத்து ஜூன் 12-ந் தேதிக்கு முன்னதாகவோ அல்லது காலதாமதமாகவோ தண்ணீர் திறந்து விடப்பட்டு வருகிறது.

    கடந்த ஆண்டு குறித்த நேரமான ஜூன் 12-ந் தேதி மேட்டூர் அணையில் இருந்து காவிரி டெல்டா பாசனத்துக்கு தண்ணீர் திறந்து விடப்பட்டது. இந்த பாசனத்தின் மூலம் சேலம், நாமக்கல், ஈரோடு, கரூர், திருச்சி, தஞ்சாவூர், அரியலூர், பெரம்பலூர், புதுக்கோட்டை, கடலூர், திருவாரூர், நாகப்பட்டினம், உள்ளிட்ட 12 மாவட்டங்களில் சுமார் 16 லட்சம் ஏக்கர் நிலங்கள் பாசன வசதி பெறுகிறது. இந்த தண்ணீர் ஜனவரி மாதம் 28-ந் தேதியுடன் நிறுத்தப்படுவது வழக்கம்.

    இதன் அடிப்படையில் கடந்த ஜூன் மாதம் 12-ந் தேதி திறந்து விடப்பட்ட தண்ணீர் நேற்று மாலை 6 மணியுடன் நிறுத்தப்பட்டது. அணையில் இருந்து பாசனத்திற்காக திறக்கப்படும் தண்ணீரின் மூலம் அணையை ஒட்டி அமைந்துள்ள சுரங்க மின் நிலையம், அணை மின் நிலையம் மற்றும் காவிரி ஆற்றின் குறுக்கே கட்டப்பட்டுள்ள 7 கதவணை மின் நிலையங்கள் மூலம் மின் உற்பத்தி நடைபெற்று வரும். தற்போது பாசனத்திற்கு தண்ணீர் திறப்பது நிறுத்தப்பட்டுள்ளதால் இந்த மின் உற்பத்தி தடைபட்டுள்ளது.

    இதுவரை டெல்டா பாசனத்திற்காக 165 டி.எம்.சி. (ஒரு டி.எம்.சி. என்பது 100 கோடி கனஅடி) தண்ணீர் திறக்கப்பட்டு உள்ளது என்பது குறிப்பிடத்தக்கதாகும் நேற்று காைல நிலவரப்படி அணையின் நீர்மட்டம் 105.96 அடியாக இருந்தது. அணைக்கு வினாடிக்கு 1,069 கனஅடி தண்ணீர் வந்து கொண்டிருந்தது.
    Next Story
    ×