வால்காவோடு வைகையை இணைத்தவருக்கு புகழ் வணக்கம் -வைரமுத்து இரங்கல்

சென்னை:

ரஷிய நாட்டுத் தமிழறிஞர் அலெக்சாண்டர் துப்யான்ஸ்கி (வயது 79) கொரோனா பாதிப்பினால் காலமானார். அவரது மறைவுக்கு தமிழறிஞர்கள் மற்றும் அரசியல் தலைவர்கள் இரங்கல் தெரிவித்துள்ளனர்.

கவிஞர் வைரமுத்து தனது டுவிட்டர் பக்கத்தில் வெளியிட்டுள்ள இரங்கல் செய்தி வருமாறு:

ரஷ்யத் தமிழறிஞர் 

அலெக்சாண்டர் துப்யான்ஸ்கி

மாஸ்கோவில் மறைவுற்றார்.

வால்காவோடு வைகையை 

இணைத்தவருக்கு

எங்கள் புகழ் வணக்கம்.

இது ஈடுசெய்தாக வேண்டிய இழப்பு.

செய்தால்தான் துப்யான்ஸ்கியின் 

உயிர் ஓய்வுறும்.

யார் முன்வரினும்  எங்கள்  உறுதுணையும் 

உறுபொருளும் உண்டு.

இவ்வாறு வைரமுத்து கூறி உள்ளார்.