என் மலர்![tooltip icon](/images/info-tooltip.svg)
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
![விபத்து விபத்து](https://img.maalaimalar.com/Articles/2020/May/202005062306179331_Tamil_News_lorry-accident-driver-died-near-kovilpatti_SECVPF.gif)
X
விபத்து
கோவில்பட்டி அருகே லாரிகள் மோதல்- டிரைவர் பலி
By
மாலை மலர்6 May 2020 5:36 PM GMT (Updated: 6 May 2020 5:36 PM GMT)
![மாலை மலர் மாலை மலர்](/images/authorplaceholder.jpg?type=1&v=2)
கோவில்பட்டி அருகே லாரிகள் மோதிய விபத்தில் டிரைவர் பரிதாபமாக இறந்தார். மற்றொருவர் படுகாயம் அடைந்தார்.
கோவில்பட்டி:
ஈரோட்டில் இருந்து நெல்லை சிமெண்டு ஆலைக்கு தேவையான பாறைத்தூள் லோடு ஏற்றிய லாரி புறப்பட்டு சென்றது. அந்த லாரியை சேலம் மாவட்டம் எடப்பாடி அருகே சங்கையூரைச் சேர்ந்த குருசாமி மகன் சத்யராஜ் (வயது 32) என்பவர் ஓட்டி வந்தார்.
இதேபோன்று சென்னையில் இருந்து மெழுகு லோடு ஏற்றிய லாரி மார்த்தாண்டத்துக்கு புறப்பட்டு சென்று கொண்டிருந்தது. அந்த லாரியை விருதுநகர் மாவட்டம் சாத்தூர் அருகே எட்டூரைச் சேர்ந்த செந்தில் (36) என்பவர் ஓட்டி வந்தார்.
நேற்று காலையில் தூத்துக்குடி மாவட்டம் கோவில்பட்டியை அடுத்த நாலாட்டின்புத்தூர் சந்திப்பு மேம்பாலத்தில் 2 லாரிகளும் அடுத்தடுத்து சென்று கொண்டிருந்தன. அப்போது முன்னால் சென்ற மெழுகு லோடு ஏற்றிய லாரி மீது பாறைத்தூள் லோடு ஏற்றிய லாரி பயங்கரமாக மோதியது.
இந்த விபத்தில் லாரியின் இடிபாடுகளுக்குள் சிக்கிய டிரைவர் சத்யராஜ் பலத்த காயம் அடைந்து உயிருக்கு போராடினார்.
தகவல் அறிந்ததும் நாலாட்டின்புத்தூர் போலீசார் மற்றும் கோவில்பட்டி தீயணைப்பு நிலைய வீரர்கள் விரைந்து சென்று, மீட்பு பணிகளில் ஈடுபட்டனர். லாரியின் இடிபாடுகளுக்குள் சிக்கிய சத்யராஜை மீட்டு சிகிச்சைக்காக கோவில்பட்டி அரசு ஆஸ்பத்திரிக்கு அனுப்பி வைத்தனர்.
அங்கு அவருக்கு முதலுதவி சிகிச்சை அளித்து, மேல் சிகிச்சைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர். ஆனால் அங்கு செல்லும் வழியிலேயே சத்யராஜ் பரிதாபமாக உயிரிழந்தார். விபத்தில் படுகாயம் அடைந்த செந்திலை கோவில்பட்டி தனியார் ஆஸ்பத்திரியில் அனுமதித்து தீவிர சிகிச்சை அளித்து வருகின்றனர்.
இதுகுறித்த புகாரின்பேரில், நாலாட்டின்புத்தூர் போலீசார் வழக்குப்பதிவு செய்து விசாரணை நடத்தி வருகின்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X
![sidkick sidekick](/images/sidekick-open.png)