கல்லூரி மாணவி வி‌ஷம் குடித்து தற்கொலை - போலீசார் விசாரணை

கோவை:

கோவை எஸ்.எஸ்.குளம் அருகே உள்ள பொன்னேகவுண்டன் புதூரை சேர்ந்தவர் சதாசிவம். இவரது மகள் மைதிலி (வயது 19).

இவர் அந்த பகுதியில் உள்ள தனியார் கல்லூரியில் பி.எஸ்.சி. முதலாம் ஆண்டு படித்து வந்தார். கடந்த 1-ந் தேதி கல்லூரி விடுமுறை என்பதால் மைதிலி வீட்டில் இருந்தார்.

அப்போது அவரது தாய் வீட்டு வேலையில் தனக்கு உதவி செய்யும்படி கூறினார். இதனால் அவர்களுக்கு இடையே வாய் தகராறு ஏற்பட்டது. இதில் மனவேதனை அடைந்த மைதிலி வி‌ஷத்தை எடுத்து குடித்தார். சிறிது நேரத்தில் மயங்கினார்.

இதனை பார்த்த வீட்டில் இருந்தவர்கள் உடனடியாக மைதிலியை மீட்டு அந்த பகுதியில் உள்ள தனியார் ஆஸ்பத்திரியில் சேர்த்தனர்.

பின்னர் மேல்சிகிச்சைக்காக கோவை அரசு ஆஸ்பத்திரியில் சேர்த்தனர். அங்கு சிகிச்சை பெற்று வந்த மைதிலி சிகிச்சை பலனளிக்காமல் நேற்று பரிதாபமாக இறந்தார்.

இதுகுறித்து அன்னூர் போலீசார் வழக்குப்பதிவு செய்து விசாரணை நடத்தி வருகிறார்கள்.