சேலம் அருகே விபத்து - வட மாநில வாலிபர் பலி

சேலம்:

சேலம் கந்தம்பட்டி திருமகள் பை-பாஸ் ரோட்டில் 40 வயது மதிக்கதக்க வட மாநில வாலிபர் ஒருவர் இன்று காலை நடந்து சென்று கொண்டிருந்தார். அப்போது அவர் ரோட்டை கடக்க முயன்ற போது அந்த வழியாக வந்த அடையாளம் தெரியாத வாகனம் ஒன்று அவர் மீது மோதிவிட்டு நிற்காமல் சென்றது.

இதில் அவர் தூக்கி வீசப்பட்டு ரத்த வெள்ளத்தில் சம்பவ இடத்திலேயே பலியானார். இதை பார்த்த அக்கம் பக்கத்தினர் இது குறித்து சூரமங்கலம் போலீசுக்கு தகவல் தெரிவித்தனர். போலீசார் தகவலின் பேரில் சம்பவ இடத்துக்கு வந்து உடலை மீட்டு சேலம் அரசு ஆஸ்பத்திரிக்கு பிரேத பரிசோதனைக்காக அனுப்பி வைத்தனர். விபத்தில் பலியான வட மாநில வாலிபர் யார்? எந்த ஊரை சேர்ந்தவர்? என்று போலீசார் விசாரணை நடத்தி வருகின்றனர்.