அமெரிக்காவின் பிரபல மோட்டார்சைக்கிள் நிறுவனமான ஹார்லி டேவிட்சன் அமெரிக்காவில் தனது வாகனங்களின் உற்பத்தியை நிறுத்த இருப்பதாக தகவல் வெளியாகியுள்ளது.
ஐரோப்பிய யூனியனில் ஸ்டீல் மற்றும் அலுமினியம் பொருட்களுக்கான வரி அதிகரிக்கப்படு இருப்பதை தொடர்ந்து ஹார்லி டேவிட்சன் இந்த முடிவை எடுத்து இருப்பதாக கூறப்படுகிறது. ஐரோப்பிய யூனியன் புதிய வரி கொள்கையால் ஹார்லி டேவிட்சன் நிறுவனத்துக்கு இழப்பு ஏற்படும் அபயாம் அதிகரித்து இருக்கிறது.
புதிய வரிமுறையால் ஆண்டுக்கு 90 முதல் 100 மில்லியன் டாலர்கள் வரை இழப்பு ஏற்படும் என கணிக்கப்பட்டுள்ளது. இதனால் ஹார்லி டேவிட்சன் நிறுவனம் தனது உற்பத்தை அமெரிக்கா அலாத வேறு நாட்டுக்கு மாற்ற வேண்டிய கட்டாயத்துக்கு தள்ளப்பட்டுள்ளது.
ஏற்கனவே அந்நிறுவனம் ஹார்லி டேவிட்சன் ஸ்ட்ரீட் 750 மற்றும் ஹார்லி டேவிட்சன் ஸ்ட்ரீட் ராட் உள்ளிட்ட மாடல்களை உற்பத்தி செய்வதால், தனது உற்பத்தியை இந்தியாவுக்கு மாற்றலாம் என எதிர்பார்க்கப்படுகிறது. ஹார்லி டேவிட்சன் முடிவுக்கு டொனால்ட் டிரம்ப் அதிர்ச்சி தெரிவித்திருக்கிறார்.
இது குறித்து ட்விட்டர் பக்கத்தில் டிரம்ப் கூறியுள்ளதாவது, ‘ ஹார்லி டேவிட்சன் 100% அமெரிக்காவில் இருக்க வேண்டும், அந்நிறுவனத்துக்கு வெற்றி தந்த மக்களுடன் இருக்க வேண்டும். உங்களுக்காக நான் நிறைய செய்திருக்கிறேன். மற்ற நிறுவனங்கள் அவர்கள் சார்ந்த இடத்துக்கு திரும்பி வருகின்றனர். நாங்கள் இதை மறக்க மாட்டோம், மேலும் உங்களின் வாடிக்கையாளர்கள் மற்றும் மகிழ்ச்சியடைந்திருக்கும் போட்டியாளர்களும் மறக்க மாட்டார்கள்' என குறிப்பிட்டு இருக்கிறார்.
புகைப்படம்: நன்றி PIXABAY
