திருவாவடுதுறை கோமுக்தீஸ்வரர் கோவிலில் ருத்ராபிஷேகம்

நாகை மாவட்டம் குத்தாலம் அருகே திருவாவடுதுறையில் சமயக்குரவர்கள் மூவரால் பாடப்பட்ட 1,500 ஆண்டுகள் பழமை வாய்ந்த கோமுக்தீஸ்வரர் கோவில் அமைந்துள்ளது.

ஆவணி மாதம் 1-ந் தேதி மாசிலாமணியீஸ்வரர், ஒப்பிலாமுலையம்மைக்கு சிறப்பு அபிஷேக, ஆராதனைகள், ருத்ராபிஷேகம் நடைபெற்றது. தொடர்ந்து 5 ஓதுவார்கள், கொரனா நோய் ஒழிய வேண்டி தமிழ் திருமுறை திருப்பதிகங்களை வாசித்தனர்.

அதனையடுத்து சாமி மற்றும் அம்மனுக்கு தீபாராதனை நடைபெற்றது. திருவாவடுதுறை மடாதிபதி அம்பலவாண தேசிக பரமாச்சாரிய சுவாமிகள் உள்ளிட்ட பக்தர்கள் சமூக இடைவெளியுடன் பங்கேற்று சாமி தரிசனம் செய்தனர்.