ரூ.6,000 பட்ஜெட்டில் சாம்சங் ஸ்மார்ட்போன் அறிமுகம்

சாம்சங் நிறுவனத்தின் ஆன்ட்ராய்டு ஓரியோ (கோ எடிஷன்) ஸ்மார்ட்போன் இந்தியாவில் அறிமுகம் செய்யப்பட்டுள்ளது. சாம்சங்கின் முதல் ஆன்ட்ராய்டு ஓரியோ ஸ்மார்ட்போனாக கேலக்ஸி ஜெ2 கோர் மாடல் வெளியாகி இருக்கிறது.

5.0 இன்ச் qHD TFT டிஸ்ப்ளே, சாம்சங் எக்சைனோஸ் 7570 குவாட்-கோர் 14 என்.எம். பிராசஸர், 1 ஜிபி ரேம், 8 எம்பி பிரைமரி கேமரா, எல்.இ.டி. ஃபிளாஷ் மற்றும் 5 எம்பி செல்ஃபி கேமரா வழங்கப்பட்டுள்ளது.

புதிய கேலக்ஸி ஜெ2 கோர் ஸ்மார்ட்போனில் சாம்சங்கின் ஸ்மார்ட் மேனேஜர் வழங்கப்பட்டுள்ளதால், ஸ்மார்ட்போனில் போதுமான அளவு மெமரி கொண்டிருப்பதை உறுதி செய்து, ஸ்மார்ட்போனின் வேகத்தை சீராக வைக்கும். பட்ஜெட் போன் என்பதால் கைரேகை சென்சார் மற்றும் ஃபேஸ் அன்லாக் வசதி போன்றவை வழங்கப்படவில்லை.

- 5.0 இன்ச் 540x960 பிக்சல் qHD TFT டிஸ்ப்ளே

- 1.4 ஜிகாஹெர்ட்ஸ் குவாட்-கோர் எக்சைனோஸ் 7570 14nm பிராசஸர்

- மாலி-T720 MP1 GPU

- 1 ஜிபி ரேம்

- 8 ஜிபி மெமரி

- மெமரியை கூடுதலாக நீட்டிக்கும் வசதி

- ஆன்ட்ராய்டு 8.1 ஓரியோ (கோ எடிஷன்)

- டூயல் சிம் ஸ்லாட்

- 8 எம்பி பிரைமரி கேமரா, எல்இடி ஃபிளாஷ், f/2.2

- 5 எம்பி செல்ஃபி கேமரா, f/2.2

- 4ஜி வோல்ட்இ, வைபை, ப்ளூடூத்

- 2600 எம்.ஏ.ஹெச். பேட்டரி

சாம்சங் கேலக்ஸி ஜெ2 கோர் ஸ்மார்ட்போன் கோல்டு, புளு மற்றும் பிளாக் நிறங்களில் கிடைக்கிறது. இந்தியாவில் கேலக்ஸி ஜெ2 கோர் விலை ரூ.6,190 என நிர்ணயம் செய்யப்பட்டுள்ளது. இந்தியா முழுக்க அனைத்து விற்பனை மையங்கள் மற்றும் சாம்சங் இஷாப் மூலம் விற்பனை செய்யப்படுகிறது.