தொழில்நுட்பம்

இந்தியாவில் விலை குறைக்கப்பட்ட விவோ ஸ்மார்ட்போன்

Published On 2018-06-23 10:07 GMT | Update On 2018-06-23 10:07 GMT

விவோ நிறுவனத்தின் வி9 யூத் ஸ்மார்ட்போன் விலை இந்தியாவில் அதிரடியாக குறைக்கப்பட்டுள்ளது. இது குறித்த முழு விவரங்களை தொடர்ந்து பார்ப்போம்.

விவோ நிறுவனத்தின் வி9 யூத் ஸ்மார்ட்போன் ஏப்ரல் மாத வாக்கில் அறிமுகம் செய்யப்பட்டிருக்கிறது. விவோ வி9 ஸ்மார்ட்போனின் லைட் வெர்ஷனாக இருக்கும் இந்த ஸ்மார்ட்போனில் 6.3 இன்ச் ஃபுல்வியூ டிஸ்ப்ளே, ஏஐ இன்டகிரேகஷன் அம்சங்களை கொண்டுள்ளது.

மும்பையை சேர்ந்த வரத்தகரான மகேஷ் டெலிகாம் வெளியிட்டிருக்கும் தகவல்களின் படி விவோ வி9 யூத் ஸ்மார்ட்போன் விலை ரூ.1000 குறைக்கப்பட்டு தற்சமயம் ரூ.17,990-க்கு விற்பனை செய்யப்படுகிறது. இந்தியாவில் அறிமுகம் செய்யப்படும் போது இதன் விலை ரூ.18,990 என நிர்ணயம் செய்யப்பட்டிருந்தது குறிப்பிடத்தக்கது.

அதிகாரப்பூர்வமாக விலை குறைப்பு குறித்த அறிவிப்பு வெளியிடப்படவோ அல்லது விவோ சார்பில் எவ்வித தகவலும் வழங்கப்படவில்லை. அமேசான் இந்தியா மற்றும் ப்ளிப்கார்ட் தளத்தில் விவோ வி9 யூத் விலை ரூ.18,990 என்றே குறிப்பிடப்பட்டுள்ளது.

விவோ வி9 யூத் சிறப்பம்சங்கள்:

- 6.3 இன்ச் ஃபுல்வியூ டிஸ்ப்ளே

- 1.8 ஜிகாஹெர்ட்ஸ் குவால்காம் ஸ்னாப்டிராகன் 450 ஆக்டாகோர் பிராசஸர்

- அட்ரினோ 506 GPU

- 4 ஜிபி ரேம்

- 32 ஜிபி இன்டெர்னல் மெமரி

- மெமரியை கூடுதலாக நீட்டிக்கும் வசதி

- டூயல் சிம் ஸ்லாட்

- 16 எம்பி + 2 எம்பி பிரைமரி கேமரா

- 16 எம்பி செல்ஃபி கேமரா, சாஃப்ட் எல்இடி ஃபிளாஷ்

- ஆன்ட்ராய்டு 8.1 ஓரியோ

- கைரேகை சென்சார்