இஸ்ரேல் தேர்தலில் திருப்பம்- நேதன்யாகுவை ஆட்சியமைக்க அழைத்த அதிபர்

ஜெருசலேம்:


இதையடுத்து ஆளுங்கட்சியும் எதிர்க்கட்சியும் இணைந்து ஒற்றுமை அரசாங்கம் அமைப்பதற்கான முயற்சி தொடங்கியது. ஆனால் அதிகார பகிர்வு விஷயத்தில் எந்த உடன்பாடும் எட்டப்படவில்லை. எனவே, அரசியல் முட்டுக்கட்டை நீடிக்கிறது.

இந்நிலையில் தற்போதைய பிரதமர் பெஞ்சமின் நேதன்யாகுவை ஆட்சியமைக்கும்படி அதிபர் ரியுவென் ரிவ்லின் கேட்டுக்கொண்டுள்ளார். நேதன்யாகு அரசு அமைப்பதற்கான வாய்ப்பு அதிகம் என்றும் அவர் தெரிவித்தார். மேலும், தனது முடிவு ஒரு தீர்வு அல்ல என்றும், அரசியல் முட்டுக்கட்டைக்கு தீர்வு காண்பதில் இரு கட்சி தலைவர்களுக்கும் பொறுப்பு உள்ளது என்றும் கூறினார்.

நேதன்யாகு பேசும்போது, “எனது லிகுட் கட்சியோ அல்லது கான்ட்சின் ப்ளூ அண்ட் ஒயிட் கட்சியோ ஒரு கூட்டணி அமைக்க முடியாது என்பது தெளிவாக தெரிகிறது. ஆனால் இணைந்து செயல்படுவதுதான் தீர்வுக்கான ஒரே வழி” என்றார்.

இந்த ஆண்டு மூன்றாவது பொதுத் தேர்தலை தவிர்க்க நேதன்யாகுவால் முடியும் என்றும், இதற்காக அவர் தன்னால் முடிந்த அனைத்தையும் செய்வார் என்றும் அதிபர் ஏற்கனவே கூறியது குறிப்பிடத்தக்கது.