சிரியா மீது இஸ்ரேல் விமானப்படை தாக்குதல் - 11 பேர் உயிரிழப்பு

டமாஸ்கஸ்:

சிரியா நாட்டின் எல்லைப்பகுதியில் இருந்து இன்று அதிகாலை இஸ்ரேல் நாட்டின் கோலன் ஹைட்ஸ் பகுதி மீது ஏவுகணைகள் மூலம்  தாக்குதல் நடத்தப்பட்டது.

இதனால் ஆவேசமடைந்த இஸ்ரேல் அரசு சிரியா நாட்டின் தலைநகரான டமாஸ்கஸ் நகரில் உள்ள உள்நாட்டு மற்றும் ஈரான் நாட்டின் ராணுவ முகாம்களை குறிவைத்து போர் விமானங்கள் மூலம் அதிரடியாக தாக்குதல் நடத்தியது.

டமாஸ்கஸ் விமான நிலையம் அருகாமையிலும் சுற்றுப்புறப் பகுதிகளிலும் நடந்த இந்த தாக்குதலில் அரசுக்கு ஆதரவான படையினர் உள்பட 11 பேர் உயிரிழந்தனர். #Israelibombardment #bombardmentinSyria