தமிழக மீனவர் உரிமையை காக்க கச்சத் தீவு மீட்கப்படுமா?- வைகோ கேள்விக்கு மத்திய மந்திரி பதில்
- இலங்கையுடன் இந்தியா பேச்சுக்களை நடத்துமா என கேள்வி எழுப்பி இருந்தார்.
- இந்திய அரசாங்கம் 1974 மற்றும் 1976-ல் இலங்கையுடன் கடல் எல்லை ஒப்பந்தங்களை மேற்கொண்டது.
சென்னை:
ம.தி.மு.க. பொதுச் செயலாளர் வைகோ மத்திய வெளியுறவுத் துறை இணை மந்திரி முரளீதரனிடம் இந்திய மீனவர்கள், இலங்கை கடற்படையினரால் துன்புறுத்தப்பட்டு கைது செய்யப்படுவதைக் கருத்தில் கொண்டு, கச்சத்தீவை மீட்பதற்காக இலங்கையுடன் இந்தியா பேச்சுக்களை நடத்துமா? என கேள்வி எழுப்பி இருந்தார்.
இதற்கு மத்திய மந்திரி முரளீதரன் அளித்த பதில் வருமாறு:-
இந்திய அரசாங்கம் 1974 மற்றும் 1976-ல் இலங்கையுடன் கடல் எல்லை ஒப்பந்தங்களை மேற்கொண்டது. ஒப்பந்தங்களின் கீழ், கச்சத்தீவு தீவு, இந்தியா-இலங்கை சர்வதேச கடல் எல்லைக் கோடு இலங்கைப் பக்கத்தில் உள்ளது.
தற்போது, கச்சத்தீவு விவகாரம் தொடர்பான வழக்கு, இந்திய உச்ச நீதிமன்றத்தில் உள்ளது.
இந்திய மீனவர்கள் தொடர்பான பிரச்சினைகள் ராஜதந்திர வழிகளில் நிறுவப்பட்ட வழிமுறைகள் மூலம் இந்திய மீனவர்கள் தொடர்பான பிரச்சினைகள் எடுத்துக் கொள்ளப்படுகின்றன.
இவ்வாறு அவர் கூறியுள்ளார்.