செய்திகள்
நடிகர் கருணாஸ் கைது செய்யப்பட்டது சட்டப்படி சரியான நடவடிக்கை - இல.கணேசன்
நடிகர் கருணாஸ் கைது செய்யப்பட்டது சட்டப்படி சரியான நடவடிக்கை என்று பா.ஜனதா மூத்த தலைவர் இல.கணேசன் நிருபர்களுக்கு அளித்த பேட்டியில் கூறியுள்ளார். #LaGanesan #Karunas
ராஜபாளையம்:
பா.ஜனதா மூத்த தலைவர் இல.கணேசன் ராஜபாளையத்தில் இன்று நிருபர்களுக்கு பேட்டி அளித்தார். அப்போது அவர் கூறியதாவது:-
நடிகர் கருணாஸ் கைது செய்யப்பட்ட விவகாரத்தில் சட்டம் தன் கடமையை செய்துள்ளது. இந்த தகவலை சபாநாயகருக்கு உடனடியாக தெரிவிக்க வேண்டும்.
தமிழகத்தில் சாதி வெறி மங்கி வருகிறது. இந்த நிலையில் இப்படி கருணாஸ் பேசி இருப்பது ஏற்புடையதல்ல.
நீதிமன்றங்கள் ஆர்.எஸ்.எஸ். கட்டுப்பாட்டில் செயல்பட்டு வருகிறது என ராகுல் காந்தி கூறியுள்ளது அவரது பொறுப்பற்ற தன்மையை காட்டுகிறது. இது கடும் கண்டனத்திற்குரியது.
மேற்கண்டவாறு அவர் கூறினார். #LaGanesan #Karunas