ஐசிசி தரவரிசை: பாகிஸ்தானை ஒயிட்வாஷ் செய்து 2-வது இடத்திற்கு முன்னேறியது தென்ஆப்பிரிக்கா

தென்ஆப்பிரிக்கா - பாகிஸ்தான் இடையில் மூன்று போட்டிகள் கொண்ட டெஸ்ட் கிரிக்கெட் தொடர் நடைபெற்றது. இதில் தென்ஆப்பிரிக்கா மூன்று போட்டிகளிலும் வெற்றி பெற்று பாகிஸ்தானை ஒயிட்வாஷ் செய்தது.

இதன்மூலம் நான்கு புள்ளிகள் பெற்று 110 புள்ளிகளுடன் ஐசிசி டெஸ்ட் அணிகள் தரவரிசையில் 2-வது இடத்திற்கு முன்னேறியுள்ளது. இந்தியா 116 புள்ளிகளுடன் முதல் இடம் வகிக்கிறது. படுதோல்வியடைந்த பாகிஸ்தான் ஒரு இடம் சரிந்து 7-வது இடத்தை பெற்றுள்ளது. தென்ஆப்பிரிக்கா தொடர் தொடங்குவதற்கு முன் பாகிஸ்தான் 92 புள்ளிகள் பெற்றிருந்தது. தற்போது 88 புள்ளிகளாக சரிந்துள்ளது.



இங்கிலாந்து 108 புள்ளிகளுடன் 3-வது இடத்திலும், நியூசிலாந்து 107 புள்ளிகளுடன் 4-வது இடத்திலும் உள்ளன. ஆஸ்திரேலியா 101 புள்ளிகளுடன் ஐந்தாவது இடத்தில் உள்ளது.