திருவனந்தபுரத்தில் நடக்கும் கிரிக்கெட் போட்டிற்கான டிக்கெட் விலை ரூ. 1000 முதல் ரூ. 6000 வரை

வெஸ்ட் இண்டீஸ் அணி இந்தியா வந்து மூன்று வகை கிரிக்கெட் தொடரிலும் விளையாடுகிறது. முதலில் இரண்டு டெஸ்ட் போட்டி நடக்கிறது. அதன்பின் ஐந்து போட்டிகள் கொண்ட ஒருநாள் கிரிக்கெட் தொடர் நடக்கிறது.

ஒருநாள் கிரிக்கெட் தொடரின் கடைசி ஆட்டம் கேரள மாநிலத்தில் உள்ள திருவனந்தபுரம் மைதானத்தில் நடக்கிறது. இதற்கான டிக்கெட் விலையை கேரளா கிரிக்கெட் சங்கம் வெளியிட்டுள்ளது.

குறைந்தபட்ச டிக்கெட்டின் விலை 1000 ரூபாயாகவும், அதிகபட்ச டிக்கெட்டின் விலை 6 ஆயிரம் ரூபாயகவும் நிர்ணயிக்கப்பட்டுள்ளது. இந்த போட்டியின் மூலம் கிடைக்கும் வருமானம் கேரள மாநில முதல்வர் பேரிடர் நிவாரண நிதிக்கு (CMDRF) அளிக்கப்படும் எனவும் அறிவிக்கப்பட்டுள்ளது. இந்த தகவலை கேரளா கிரிக்கெட் சங்கத்தின் செயலாளர் ஸ்ரீஜித் வி நாயர் தெரிவித்துள்ளார்.