லா லிகா- பார்சிலோனா, ரியல் மாட்ரிட் அணிகள் வெற்றி

லா லிகா கால்பந்து தொடரின் 2-வது வார ஆட்டம் கடந்த வெள்ளி, சனி மற்றும் ஞாயிற்றுக் கிழமைகளில் நடைபெற்றன. ஒரு ஆட்டத்தில் பார்சிலோனா - ஆர். வல்லாடோலிட் அணிகள் மோதின. இந்த ஆட்டத்தில் டெம்பேல் 57-வது நிமிடத்தில் கோல் அடிக்க பார்சிலோனா 1-0 என வெற்றி பெற்றது.



நேற்று நடைபெற்ற ஆட்டத்தில் ரியல் மாட்ரிட் கிரோனா எப்.சி-யை எதிர்கொண்டது. இதில் ரியல் மாட்ரிட் 4-1 என வெற்றி பெற்றது. 16-வது நிமிடத்தில் கிரோனா எப்சி அணியின் போர்ஜா முதல் கோலை அடித்தார்.



39-வது நிமிடத்தில் ரியல் மாட்ரிட் அணிக்கு பெனால்டி வாய்ப்பு கிடைத்தது. இதை பயன்படுத்தி செர்ஜியோ ரமோஸ் கோல் அடித்தார். அதன்பின் 52-வது நிமிடத்தில் பெனால்டி வாய்ப்பு கிடைத்தது. இதை பயன்படுத்தி பென்சிமா கோல் அடித்தார். காரத் பேலே 59-வது நிமிடத்திலும், 80-வது நிமிடத்தில் பென்சிமாவும் கோல் அடித்தனர்.