பிளாஸ்டிக் குடுவையில் பாம்பை அடைத்த நபர்

சமூக வலைதளங்களில் தினமும் புது புது வீடியோக்கள் வெளியாகி வருகிறது. அவற்றில் விலங்குகள் குறித்த வீடியோக்கள் அதிக கவனம் பெறுகின்றன. அந்த வகையில் ஒருவர் பாம்பை குடுவைக்குள் அடைக்க போராடும் வீடியோ இணையத்தில் வைரலாகி வருகிறது.

அதில், ஒரு பாம்பு தரையில் அங்கும் இங்குமாக நெளிந்து செல்கிறது. அதனை பிடிப்பதற்காக பிளாஸ்டிக் குடுவையுடன் ஒருவர் பாம்பின் அருகில் செல்கிறார். அவர் அந்த பாம்பின் தலை அருகே குடுவையை கொண்டு செல்லும் போது அதில் சிக்காமல் பாம்பு தப்பிக்க முயல்கிறது. எனினும் அந்த நபர் தொடர்ந்து போராடி நைசாக குடுவைக்குள் பாம்பின் தலையை கொண்டு செல்கிறார்.

அதன்பிறகு அதன் வாலை படிப்படியாக குடுவைக்குள் தள்ளி இறுதியில் குடுவையை மூடுவது போன்று காட்சிகள் உள்ளது. 'ஹால் ஆப் பேம்' என்ற எக்ஸ் தள பக்கத்தில் பகிரப்பட்ட இந்த வீடியோ 30 லட்சத்திற்கும் அதிகமான பார்வைகளை பெற்று வைரலானது.