மார்க்கெட்டுக்கு சென்ற 6 விவசாயிகள் சாலை விபத்தில் பலி

லக்னோ:

உத்தர பிரதேச மாநிலம் எட்டாவா நகரின் பிரண்ட்ஸ் காலனி பகுதியில் நேற்று இரவு மினி வேனும், லாரியும் மோதி விபத்துக்குள்ளானது. இந்த விபத்தில் மினிவேனில் இருந்த 6 விவசாயிகள் சம்பவ இடத்திலேயே உயிரிழந்தனர். ஒருவர் பலத்த காயமடைந்தார்.

இந்த விபத்து குறித்து தகவல் அறிந்த போலீசார் சம்பவ இடத்திற்கு சென்று மீட்பு பணியில் ஈடுபட்டனர். விவசாயிகள் பலாப்பழங்களை சந்தையில் விற்பனை செய்வதற்காக மினிவேனில் மார்க்கெட்டுக்கு சென்றபோது விபத்தில் சிக்கி உள்ளனர்.