பெங்களூருவில் மோட்டார் சைக்கிளில் இருந்து தூக்கி வீசப்பட்ட குழந்தை உயிர் தப்பிய அதிசயம்- வீடியோ

பெங்களூரு:

கர்நாடக மாநிலம் பெங்களூருவை சேர்ந்தவர் சென்ன பரமேஸ்வர். இவரது மனைவி ரேணுகா. இவர்கள் 2 பேரும் தங்களது குழந்தையுடன் ஒரு மோட்டார் சைக்கிளில் பெங்களூருவை அடுத்த நெலமங்கலா சுங்கவரி சோதனைச்சாவடி அருகே அரிசின் குந்தே ரோட்டில் சென்று கொண்டிருந்தனர்.

பின்னர் ஒரு திருப்பத்தில் அந்த மோட்டார் சைக்கிள் கீழே சரிந்தது. இதில் அந்த குழந்தை ரோட்டின் நடுவில் உள்ள தடுப்பில் போய் விழுந்தது.

அப்போது அந்த வழியாக ஏராளமான கார், லாரி உள்ளிட்ட வாகனங்கள் சென்றாலும் அந்த மோட்டார் சைக்கிள் மீது மோதவில்லை. குழந்தை தூக்கி வீசப்பட்ட நேரத்தில் அந்த குழந்தை மீதும் எந்த வாகனங்களும் மோதவில்லை.