செய்திகள்
ராஜஸ்தான்: ஜீயர்களை சந்தித்து ஆசி பெற்றார் அமித்ஷா
மூன்றுநாள் பயணமாக ராஜஸ்தான் மாநிலம் சென்றுள்ள அமித்ஷா அம்மாநிலத்தில் உள்ள அனைத்து ஜீயர்களையும் சந்தித்து ஆசி பெற்று, ஆலோசனை நடத்தியுள்ளார்.
ஜெய்பூர்:
பா.ஜ.க.வின் தேசிய தலைவரான அமித்ஷா முன்று நாள் பயணமாக ராஜஸ்தான் மாநிலம் சென்றுள்ளார். பயணத்தின் இரண்டாம் நாளான இன்று, ராஜஸ்தான் மாநிலம் முழுவதுமிருந்து அவரை சந்திக்க வந்திருந்த ஜீயர்களை சந்தித்து ஆசி பெற்றார்.
அதன்பின்னர் ஜீயர்களுடன் ஆலோசனை மேற்கொண்டார். இந்த ஆலோசனையின் போது ராஜஸ்தான் மாநில முதல்வர் வசுந்தரா ராஜேவும், ராஜஸ்தான் மாநில பா.ஜ.க. தலைவர் அஷோக் பர்னாமியும் உடன் இருந்தனர்.
இச்சந்திப்பிற்கு பின்னர் பா.ஜ.க. கட்சி அலுவலகம் செல்லும் அமித்ஷா, அங்கு நடைபெற உள்ள கூட்டத்தில் ராஜஸ்தான் மாநில எம்.பி.க்கள், எம்.எல்.ஏ.க்கள் மற்றும் மாநில கட்சி பொறுப்பாளர்களை சந்தித்து பேச உள்ளார்.