மாலை நேர ஸ்நாக்ஸ் நூடுல்ஸ் கட்லெட்

தேவையான பொருட்கள் :

நூடுல்ஸ் - 2 கப்
3 நிற குடைமிளகாய் - தலா 1
உருளைக்கிழங்கு - 2
பொடியாக நறுக்கிய கேரட் - ஒன்று
மிளகாய்த்தூள் - அரை டீஸ்பூன்
உப்பு - தேவையான அளவு
மிளகுத்தூள் - அரை டீஸ்பூன்
சோயா சாஸ் - ஒரு டீஸ்பூன்
வெங்காயத்தாள் - 1 கட்டு
பூண்டு - 4 பல்,
இஞ்சி - சிறிது துண்டு,
பச்சைமிளகாய் - 2,
செஷ்வான் சாஸ் - 2 டேபிள்ஸ்பூன்
எண்ணெய் - தேவையான அளவு.



செய்முறை :

நூடுல்ஸை வேக வைத்து கொள்ளவும்.

உருளைக்கிழங்கை வேக வைத்த நன்றாக மசித்து கொள்ளவும்.

கேரட், வெங்காயத்தாள், குடைமிளகாய், பூண்டு, இஞ்சி, ப.மிளகாயை பொடியாக நறுக்கி கொள்ளவும்.

அடுப்பில் வாணலியை வைத்து சூடானதும் எண்ணெய் விட்டு கேரட், குடைமிளகாய், இஞ்சி, பூண்டு, பச்சைமிளகாய், வெங்காயத்தாள் ஆகியவற்றை போட்டு நன்றாக வதக்கிக் கொள்ளவும்.

அனைத்தும் நன்றாக வதங்கியதும் இத்துடன் செஷ்வான் சாஸ், சோயா சாஸ், உப்பு, மிளகுத்தூள், மிளகாய்த்தூள் சேர்த்துக் கிளறவும்.

பிறகு வெந்த நூடூல்ஸை சேர்த்து மிருதுவாக கிளறி, மசித்த உருளைக்கிழங்கை சேர்த்து கிளறி அடுப்பை அணைத்துவிடவும்.

கைப்பொறுக்கும் சூட்டில் கட்லெட் வடிவத்துக்கு உருண்டை பிடித்து வைக்கவும்.

அடுப்பில் தோசைக்கல்லை வைத்து எண்ணெய் ஊற்றி சூடானதும் கட்லெட்டை போட்டு இருபுறமும் சுட்டெடுத்து சாஸோடு பரிமாறவும்.

சூப்பரான நூடுல்ஸ் கட்லெட் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.