சத்தான சுவையான ஓட்ஸ் - கேரட் ஊத்தப்பம்

தேவையான பொருட்கள் :

ஓட்ஸ் - 1 கப்
கோதுமை ரவை - 1/4 கப்
கடலைமாவு - 1/4 கப்
மோர் - 2 கப் (கரைப்பதற்கு தேவையான அளவு)
வெங்காயம் - 1
கேரட் - 1
முட்டைகோஸ் - சிறிய துண்டு
மிளகு - 1 டீஸ்பூன்
சீரகம் - 1 டீஸ்பூன்
முந்திரி பருப்பு(பொடித்தது) - 1 டேபிள் ஸ்பூன்
உப்பு - தேவைக்கு
எண்ணெண்ய் - சுடுவதற்கு
மிளகுத்தூள் - 1/2 ஸ்பூன்



செய்முறை :

* வெங்காயத்தை பொடியாக நறுக்கி கொள்ளவும்

* கேரட், கோஸை துருவிக்கொள்ளவும்.

* ஓட்ஸையும், கோதுமை ரவையையும் வெறும் கடாயில் சிறிது வறுத்து ஆற வைத்து மிக்ஸியில் பொடிக்கவும்.

* கடலை மாவையும் பச்சை வாசனை போகும்வரை வறுத்து கொள்ளவும்.

* மிளகு, சீரகத்தை கொரகொரப்பாக பொடித்து கொள்ளவும்.

* ஒரு பாத்திரத்தில் வறுத்த மாவுடன் உப்பு போட்டு மோர் விட்டு கரைக்கவும்.

* அதில் பொடித்த மிளகு, சீரகம், முந்திரிபருப்பு, கேரட், முட்டைகோஸ் சேர்த்து ஊத்தப்பம் பதத்திற்கு கரைத்து கொள்ளவும்.

* தோசை கல்லை அடுப்பில் வைத்து சூடானதும் மாவை தடிமனாக ஊற்றி சுற்றி சிறிது எண்ணெண் ஊற்றி வெந்ததும் திருப்பி போட்டு வேக வைத்து எடுக்கவும்

* சத்தான ஓட்ஸ் - கேரட் ஊத்தப்பம் ரெடி.

* இதை தேங்காய் சட்னியுடன் சாப்பிடலாம்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.