முகத்திற்கு பொலிவு தரும் மாம்பழ பேஸ்பேக்

கோடை காலத்தில் கிடைக்கும் சீசன் பழமான மாம்பழம் அனைவரும் விரும்பி சாப்பிடும் பழம். மாம்பழம் உணவாக மட்டும் இல்லாமல் நமது அழகை அதிகரிக்க உதவுகிறது.

* மாம்பழத்தை கூழாக்கி அதனுடன் தயிர், தேன் கலந்து முகத்தில் தடவி 20 நிமிடங்கள் வைத்திருந்து பின்னர் முகத்தை கழுவினால் முகத்தில் உள்ள முகப்பருக்கள் குறையும்.

* மாம்பழக் கூழ், தேன், அரிசி மாவு, பால் சேர்த்து கலக்கி முகத்தில் தடவி 20 நிமிடங்கள் வைத்திருந்து முகத்தை குளிர்ந்த நீரில் கழுவினால் சருமத்தில் உள்ள இறந்த செல்கள் நீங்கி சருமம் மிருதுவாகும்.

* மாம்பழக் கூழ், கோதுமை மாவு, தேன் கலந்து முகத்தில் தடவி 1/2 மணி நேரம் கழித்து முகத்தை தண்ணீரில் கழுவினால் சருமம் மிருதுவாகவும் பளபளப்பாகவும் மாறும். சருமத்தில் உள்ள கரும்புள்ளிகள் நீங்கும்.

* மாம்பழக் கூழ், அவகேடோ கூழ், தேன் கலந்து முகத்தில தடவி 20 நிமிடங்கள் வைத்திருந்து முகத்தை வெதுவெதுப்பான நீரில் கழுவி வர தோல் சுருக்கத்தை தடுக்கலாம்.