இலங்கையின் வெற்றியை கொண்டாடிய மக்கள்

ஆசிய கோப்பையை இலங்கை வென்றதால் கொழும்பு நகர வீதிகளில் மக்கள் வெற்றியை கொண்டாடினார்கள். கடும் பொருளாதார நெருக்கடியில் சிக்கி தவிக்கும் மக்களின் வலியை போக்கும் வகையில் கிரிக்கெட்டில் இந்த வெற்றி கிடைத்தது.

ஆசிய கோப்பை இறுதி போட்டியை கண்டுகளிக்கும் வகையில் கொழும்பு நகரின் பல இடங்களில் பெரிய அளவிலான திரைகள் அமைக்கப்பட்டு இருந்தது. மக்கள் திரளாக அமர்ந்து போட்டியை ரசித்தனர்.

இலங்கை வெற்றி பெற்றதும் மக்கள் மகிழ்ச்சி கொண்டாட்டத்தில் நடனமாடினர். இலங்கை கொடிகளை பிடித்து மோட்டார்சைக்கிளில் ஊர்வலமாக சென்றனர்.