"ஐஸ் கட்டி குருவி".. சிவகார்த்திகேயன் வெளியிடும் பாடல்

'வம்சம்' படம் மூலம் நடிகராக அறிமுகமானவர் அருள்நிதி. இப்படத்தில் இவருடைய நடிப்பு அனைவராலும் வரவேற்கப்பட்டது. இதையடுத்து 'மௌனகுரு', 'டிமாண்டி காலனி', 'இரவுக்கு ஆயிரம் கண்கள்', 'பிருந்தாவனம்', 'கே-13' என வித்தியாசமான கதையம்சம் கொண்ட படங்களாக நடித்து முன்னணி நடிகராக உயர்ந்தார்.

அதன்பின் நடிகர் அருள்நிதி அவருடைய 15-வது படத்தை யுடியூப்பில் பிரபலமான எருமசாணி தொடர் மூலம் புகழ்பெற்ற விஜய்குமார் ராஜேந்திரன் இயக்கினார். டி-பிளாக் என பெயரிடப்பட்டுள்ள இப்படத்தை ஒளிப்பதிவாளர் அரவிந்த்சிங் தயாரித்துள்ளார். சக்தி பிலிம் பேக்டரி நிறுவனம் படத்தை வெளியிட உள்ளது. இப்படத்தின் டீசர் மற்றும் டிரைலர் சமீபத்தில் வெளியாகி நல்ல வரவேற்பை பெற்றது.

இந்நிலையில் இப்படத்தில் இடம்பெற்றுள்ள "ஐஸ் கட்டி குருவி" என்ற வீடியோ பாடலை நடிகர் சிவகார்த்திகேயன் நாளை (14.06.2022) மாலை 5 மணிக்கு வெளியிடவுள்ளதாக அருள்நிதி தனது சமூக வலைத்தளப்பக்கத்தில் அறிவித்துள்ளார். இவரின் இந்த அறிப்பை ரசிகர்கள் கொண்டாடி வருகின்றனர்.