வருகிற 7-ஆம் தேதி அஜித் ரசிகர்களுக்கு காத்திருக்கும் சர்ப்ரைஸ்

சிவா இயக்கத்தில் தல அஜித், காஜல் அகர்வால் நடிப்பில் பிரம்மாண்டமாக உருவாகியிருக்கும் படம் 'விவேகம்'. சமீபத்தில் வெளியாகிய இப்படத்தின் டீசர் இந்திய சினிமாவில் புதிய சாதனையை படைத்தது.

சத்யஜோதி பிலிம்ஸ் தயாரித்துள்ள இப்படம் வருகிற ஆகஸ்ட் 24-ஆம் தேதி ரிலீசாகிறது. ஏற்கனவே படத்தில் இருந்து மூன்று பாடல்கள் வெளியாகி நல்ல வரவேற்பை பெற்றுள்ள நிலையில், படம் ரீலீசுக்கு முன்பாக ரசிகர்களுக்கு விருந்தளிக்கும் விதமாக பாடல் வெளியீட்டு விழாவை நடத்த படக்குழு திட்டமிட்டிருப்பதாக கூறப்படுகிறது. அதன்படி வருகிற 7-ஆம் தேதி பாடல் வெளியீட்டு விழா நடைபெறும் என்றும் கூறப்படுகிறது.



இசை வெளியீட்டு முன்னதாக படத்தில் இடம்பெறும் 7 பாடல்களுக்கான ப்ரிவ்யூ வீடியோ ஒன்றையும் படக்குழு வெளியிட்டிருக்கிறது. சமூக வலைதளங்களில் இந்த ப்ரிவ்யூ வீடியோ வைரலாக பரவி வருகிறது. "ஏ.கே. தீம் மியூசிக்", "நெவர் கிவ் அப்", "காதலடா ரிப்ரைஸ்", "வெறியேற", "காதலாட", "தலை விடுதலை", "சர்வைவா" உள்ளிட்ட 7 பாடல்கள் படத்தில் இடம்பெறுகின்றன.

அக்ஷரா ஹாசன், பாலிவுட் நடிகர் விவேக் ஓபராய், ஆரவ் சவுத்ரி, கருணாகரன் உள்ளிட்டோர் முக்கிய கதாபாத்திரத்தில் நடித்திருக்கின்றனர்.