25.12.2023 முதல் 31.12.2023 வரை
சுறுசுறுப்பாக செயல்படும் வாரம். ராசி அதிபதி சுக்ரன் தன ஸ்தானத்தில் சஞ்சாரம். லாப அதிபதி சூரியன் உப ஜெய ஸ்தானத்தில் சஞ்சாரம். பஞ்சம ஸ்தானத்தில் சனி என கிரக சஞ்சாரம் துலாத்திற்கு சாதகமாக உள்ளது. இதுவரை வெளி உலகிற்கு தெரியாமல் இருந்த உங்களின் திறமைகள் வெளிப்படும். ஆன்ம பலம் பெருகும். புத்திர பிராப்தம், திருமணம் கை கூடும். வாழ்க்கையில் திருப்புமுனையான நல்ல சம்பவங்கள் நடைபெறும். திடீர் அதிர்ஷ்டம் உங்களை வழிநடத்தும் குல தெய்வம் தொடர்பான வேண்டுதல்கள் நிறைவேறும். பூர்வீகம் தொடர்பாக இருந்து வந்த பிரச்சினைகள் விலகும். விட்டு விலகிய சொந்தங்கள் புரிந்து கொள்வார்கள்.
வீடு வாகன யோகம் சிறப்பாக அமையும். எதிர்கால தேவைக்கான திட்டமிடுதல் சாதகமாகும். வழக்குகள் சாதகமான தீர்வு ஏற்படும். வேற்று மதத்தினர் அல்லது புரியாத பாஷை அதிகம் பேசும் இடத்தில் குடியிருக்கும் நிலை ஏற்படும். 26.12. 2023 காலை 9.57 வரை சந்திராஷ்டமம் இருப்பதால் சோம்பல், ஞாபகமறதி மிகுதியாகும். கால பைரவரை வழிபடவும்.
`பிரசன்ன ஜோதிடர்'
ஐ.ஆனந்தி
செல்: 98652 20406