6.5.2024 முதல் 12.5.2024 வரை
தன் நிறைவு உண்டாகும் வாரம். ராசிக்கு சுக்ரன், சூரியன், புதன், செவ்வாய் பார்வை. அஷ்டம குருவால் பொருளாதார நிலை சீராகும். கைக்கு எட்டியது வாய்க்கு எட்டவில்லை என்ற நிலை மாறும். பற்றாக் குறை வருமானத்தில் குடும்பத்தை நடத்தியவர்களுக்கு கடந்த கால இழப்புகளை ஈடு செய்யும் விதத்தில் தொழிலில் உயர்வு உண்டாகும்.
வேலை செய்யும் இடத்தில் உயர் அதிகாரிகளின் ஆதரவு கிடைக்கும். குடும்பம் மகிழ்ச்சியும் நிம்மதியும் நிறைந்ததாக இருக்கும். வெவ்வேறு ஊர்களில் பிரிந்து வாழ்ந்த தம்பதிகள் ஒன்றாக இணைந்து மகிழ்ச்சிகரமாக இல்லறம் நடத்தும் நல்ல நேரம். புதிய சொத்துக்கள், உயர்ரக வாகனங்கள் சேரும்.
மனதை அமைதியாக வைத்திருக்க முயற்சிக்கவும். தேவையற்ற கற்பனை, சிந்தனைகளை தவிர்க்கவும்.மனதிற்கு பிடித்த வரன் அமையும். அரசு அங்கீகாரமற்ற வங்கிகளில் முதலீடுகள் செய்வதை தவிர்க்கவும். உடல் நிலை தேறும். 8.5.2024 மாலை 7.06 முதல் 10.5.2024 இரவு 10.25 மணி வரை சந்திராஷ்டமம் இருப்பதால் உடனிருப்போரின் தனிப்பட்ட விஷயங்களில் தலையிட வேண்டாம். அமாவாசையன்று பித்ருக்களை வழிபடவும்.
'பிரசன்ன ஜோதிடர்'
ஐ.ஆனந்தி
செல்: 98652 20406