சினிமா
படப்பிடிப்பு தளத்தில் ரசிகர்களை சந்திக்கும் போது தடுப்பு வேலி உடைந்தது - தாங்கிப்பிடித்த விஜய்
விஜய் 63 படப்பிடிப்பு தளத்தில் ரசிகர்களை சந்திக்க விஜய் வந்த போது இடையே இருந்த தடுப்பு வேலி சரிந்து விழுந்த நிலையில், ரசிகர்கள் கீழே விழாதபடி வேலியை விஜய் தாங்கிப்பிடித்தார். #Vijay #Vijay63
விஜய் தற்போது அட்லி இயக்கத்தில் விளையாட்டு சம்மந்தப்பட்ட படத்தில் நடித்து வருகிறார். இந்த படத்தின் படப்பிடிப்பு சென்னையில் விறுவிறுப்பாக நடந்து வருகிறது.
விஜய் படத்தின் படப்பிடிப்பு நடப்பதை அறிந்து விஜய்யை பார்க்க, அவரது ரசிகர்கள் படப்பிடிப்பு தளங்களுக்கு படையெடுப்பது வழக்கம். அந்த வகையில் நேற்று படப்பிடிப்பு தளத்தில் நடிகர் விஜய்யைக் காண அவரது ரசிகர்கள் குவிந்தனர். இதையறிந்த விஜய் ரசிகர்களை சந்திப்பதற்காக வந்தார்.
ரசிகர்களை நோக்கி கையசைத்துக் கொண்டே விஜய் வேலி அருகில் சென்ற போது ரசிகர்கள் உற்சாக மிகுதியில் விஜய்யை பார்க்க வேலியில் ஏறினர். அப்போது அந்த தடுப்பு வேலி திடீரென சரிந்து விழுந்தது. திடீரென வேலி சரிந்ததை பார்த்து முதலில் அதிர்ச்சிக்குள்ளான விஜய், பின்னர் அந்த வேலி கீழே விழுந்துவிடாதபடி தாங்கிப் பிடித்தார். விஜய்க்கு அவரது உதவியாளர்கள் உதவிசெய்ய, வேலி கீழே விழாதபடி தடுத்தனர்.
இதையடுத்து விஜய் அங்கிருந்து புறப்பட்டு சென்றார். இந்த வீடியோ சமூக வலைதளங்களில் வைரலாகி வருகிறது. #Vijay #Vijay63
விஜய் ரசிகர்களை சந்திக்கும் வீடியோ: