0.35 புள்ளி வித்தியாசத்தில் இறுதிப்போட்டி வாய்ப்பை இழந்த இந்திய ஜிம்னாஸ்டிக் அணி

ஆசிய விளையாட்டு போட்டி இந்தோனேசியாவில் நடைபெற்று வருகிறது. ஆண்கள் அணிகளுக்கான ஜிம்னாஸ்டிக் பிரிவில் இந்திய வீரர்கள் கலந்து கொண்டு இறுதிப் போட்டிக்கான தகுதிச் சுற்றில் விளையாடினார்கள்.

இந்திய அணி ஒட்டுமொத்தமாக 229.95 புள்ளிகள் பெற்று 9-வது இடத்தை பிடித்தது. ஈரான் 230.30 புள்ளிகள் பெற்று 8-வது இடம் பிடித்தது. முதல் 8 இடங்கள் பிடித்த அணிகளே இறுதிப் போட்டிக்குள் நுழைய முடியும் என்பதால் இந்திய அணி 0.35 புள்ளிகள் வித்தியாசத்தில் இறுதிப் போட்டி வாய்ப்பை இழந்தது.

ஆண்கள் ஒற்றையர் வால்ட் பிரிவில் யோகேஷ்வர் 10-வது இடத்தை பிடித்து ஏமாற்றம் அளித்தார்.