அருமையான உருளைக்கிழங்கு பீன்ஸ் சப்ஜி

தேவையான பொருட்கள் :

உருளைக்கிழங்கு - 4
பீன்ஸ் - 10
வெங்காயம் - 1
இஞ்சி பூண்டு பேஸ்ட் - 1 டீஸ்பூன்
மஞ்சள் தூள் - 1 டீஸ்பூன்
மிளகாய் தூள் - 1 டீஸ்பூன்
சீரகப் பொடி - 1 டீஸ்பூன்
சாட் மசாலா - 1 டீஸ்பூன்
வெந்தயம் - 1 டீஸ்பூன்
உப்பு - தேவையான அளவு
எண்ணெய் - 1 டேபிள் ஸ்பூன்



செய்முறை :

உருளைக்கிழங்கை வேக வைத்து துண்டுகளாக வெட்டிக்கொள்ளவும்.

பீன்ஸை துண்டுகளாக வெட்டி வைக்கவும்.

வெங்காயத்தை பொடியாக நறுக்கி கொள்ளவும்.

வாணலியை அடுப்பில் வைத்து, அதில் எண்ணெய் ஊற்றி காய்ந்ததும், வெந்தயத்தை சேர்த்து தாளித்த பின்னர் அதில் வெங்காயத்தைப் போட்டு வதக்க வேண்டும்.

வெங்காயம் நன்றாக வதங்கியதும் அதில் இஞ்சி பூண்டு பேஸ்ட் சேர்த்து வதக்கி, பின் மஞ்சள் தூள், மிளகாய் தூள், சாட் மசாலா, சீரகப் பொடி சேர்த்து 2-3 நிமிடம் கிளறி விட வேண்டும்.

அடுத்து அதில் வேக வைத்துள்ள உருளைக்கிழங்கு மற்றும் பீன்ஸ் சேர்த்து 5 நிமிடம் வதக்க வேண்டும்.

இறுதியில் அதில் உப்பு சேர்த்து நன்கு கிளறி இறக்கினால், உருளைக்கிழங்கு பீன்ஸ் சப்ஜி ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.