என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
சினிமா
X
பள்ளி கழிப்பறைகளை புதுப்பிக்க உதவும் சூர்யா
Byமாலை மலர்24 July 2018 11:38 AM GMT (Updated: 24 July 2018 11:38 AM GMT)
நடிகர் சூர்யா அகரம் அறக்கட்டளை என்ற பெயரில் மாணவர்களுக்கு கல்வி உதவி வழங்கி வரும் நிலையில், தற்போது பள்ளி கழிப்பறைகளை புதுப்பிக்க இருக்கிறார். #Suriya
நடிகர் சூர்யா அகரம் அறக்கட்டளை என்ற பெயரில் மாணவர்களுக்கு கல்வி உதவி வழங்கி வருகிறார். இயற்கை பேரிடரால் பாதிக்கப்பட்டவர்களுக்கும் உதவிகள் செய்து வருகிறார். இந்த அறக்கட்டளை ஆதரவற்ற குழந்தைகளின் பள்ளி, கல்லூரி கல்விக்கு உதவி செய்து வருகிறது.
நேற்று சூர்யாவுக்கு 44-வது பிறந்தநாள். இதையொட்டி மாவட்டத்துக்கு 10 அரசு பள்ளிகளை தேர்வு செய்து அந்த பள்ளிகளில் உள்ள கழிப்பறைகளை புதுப்பிக்க முடிவு செய்துள்ளனர்.
விரைவில் இப்பணி தொடங்க உள்ளன. இதை கவனிக்க ஒரு குழு அமைக்கப்பட்டுள்ளது. கழிப்பறைகளை புதுப்பிப்பது மட்டும் அல்லாமல் தொடர்ந்து அவற்றை சுகாதாரமாக பராமரிப்பதற்கான ஏற்பாடுகளும் செய்யப்பட உள்ளன.
சூர்யாவின் ரசிகர் மன்றங்கள் 40 மாவட்டங்களாக பிரிக்கப்பட்டுள்ளன. இந்த 40 மாவட்ட ரசிகர் மன்றங்களுக்கும் தலா 10 அரசுப்பள்ளிகள் குறிப்பாக பெண்கள் பள்ளிகளாக பார்த்து ஒதுக்கப்பட்டுள்ளன. அவர்கள் இந்த பணியை மேற்கொள்ள இருக்கிறார்கள்.
இந்த நிலையில் சூர்யா தயாரித்து கார்த்தி நடித்த கடைக்குட்டி சிங்கம் படத்தின் வெற்றி விழா இன்று வடபழனியில் நடந்தது. இதில் நடிகர்கள் சூர்யா, கார்த்தி உள்பட படக்குழுவினர் கலந்து கொண்டனர்.
கடைக்குட்டி சிங்கம் படத்தின் கதை விவசாயிகளை மையமாக கொண்டது என்பதால் விவசாய சங்க பிரதிநிதிகளும் வரவழைக்கப்பட்டு இருந்தனர்.
விழாவில் விவசாயிகளுக்கு தனது அகரம் பவுண்டேசன் சார்பில் நடிகர் சூர்யா ரூ.1 கோடி நிதி வழங்கினார். விவசாயம் மற்றும் விவசாய மேம்பாடு, ஆராய்ச்சிக்கு இதை பயன்படுத்திக் கொள்ளலாம் என்று சூர்யா குறிப்பிட்டார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X