நீங்கள் தேடியது "மறுதார்தளம்"

திருப்பூர் :

திருப்பூர் மாநகராட்சி 22-வது வார்டுக்குட்பட்ட சிங்காரவேலன் நகர் பகுதியில் ரூ.28 லட்சத்து 96 ஆயிரம் மதிப்பிலும், பிச்சம்பாளையம் விரிவு முதல் வீதியில் ரூ.8 லட்சத்து 45 ஆயிரம் மதிப்பிலும் மறுதார்தளம் அமைக்கும் பணி நடைபெற உள்ளது.

இதற்கான பூமிபூஜை விழா 22-வது வார்டு கவுன்சிலர் வி.ராதாகிருஷ்ணன் தலைமையில் நடைபெற்றது. இதில் 1-வது மண்டல தலைவர் உமாமகேஸ்வரி சிட்டி வெங்கடாசலம், 2-வது மண்டல தலைவர் தம்பி கோவிந்தராஜ் ஆகியோர் கலந்துகொண்டு பணிகளை தொடங்கி வைத்தனர். நிகழ்ச்சியில் மாநகராட்சி உதவி கமிஷனர் சுப்பிரமணியம், இளநிலை பொறியாளர் கணேஷ், 22-வது வட்ட தி.மு.க. செயலாளர் ராஜ்குமார், தி.மு.க. நிர்வாகிகள் சரவணகுமார், திராவிட பாலு, தங்கராஜ், வேலுச்சாமி, பழனிச்சாமி, வினோத், ராஜேந்திரன், புஷ்பா, ஈஸ்வரி மற்றும் பொதுமக்கள் கலந்து கொண்டனர்.