நீங்கள் தேடியது "நாகம்"

கடலூர்:

கடலூர் பச்சையாங் குப்பம் பகுதியில் ஹார்டு வேர்ஸ் கடை நடத்தி வருபவர் லெனின்.

இவருடைய கடைக்குள் பாம்பு புகுந்து விட்டதாக வன ஆர்வலரான செல்லாவிற்கு தகவல் கொடுத்தார். அதனை தொடர்ந்து செல்லா கடைக்கு சென்று பார்த்த போது அது அரிய வகை வெள்ளை நிற நாகப்பாம்பு என்பது தெரிய வந்தது.

அந்த பாம்பை செல்லா பிடித்து வந்த போது வெள்ளை நிறத்தில் இருந்த பாம்பு படம் எடுத்தது. இதனை அங்கு இருந்த மக்கள் ரசித்தனர். இந்த நிலையில் இந்த அரியவகை வெள்ளை நிற பாம்பு பாதுகாப்பாக காப்பு காட்டில் விடப்பட்டது.

பொதுவாக இது போன்ற வெள்ளை நிற நாகங்கள் இல்லை என்றாலும் ஜீன் குறைபாடு காரணமாக ஓரிரு பாம்புகள் இது போன்று வெள்ளை நிறத்தில் இருப்பதாக வன ஆர்வலர் செல்லா தெரிவித்தார்.